Hvernig fer meðferðin fram og við hverju má búast?
Hvernig á að velja meðhöndlara?
Möguleg vandamál og aukaverkanir
Íslenska: smáskammtalækningar
Enska: homeopathy, homeopathic medicine
Hómópatía er viðamikið lækniskerfi sem byggir á hugmyndinni að “líkt læknar líkt”, ef stór skammtur af efni veldur einkennum þá mun lítill skammtur af sama efni lækna þau einkenni. Hómópatalyf, sem kallast remedíur, eru búnar til með því að nota innihaldsefni plantna, dýra eða steinefna sem eru sett í alkahól. Þessi blöndur eru síðan verulega þynntar út þangað til að sá styrkleiki sem óskað er eftir er náð.
Sumar af þeim hugmyndum sem hómópatía er byggð á ná aftur til tíma forn Grikkja. Á 17. öldinni sagði Paracelsus sem er einn af upphafsmönnum lyflækninga og oft nefndur faðir eiturefnafræðarinnar að smáir skammtar af “það sem gerir manninn veikan læknar hann líka”. En það var þýski læknirinn og efnafræðingurinn Samuel Hahnemann (1755-1843) sem gaf hómópatíu nafn sitt og þróaði hugmyndafræði hennar rétt við aldamótin 1800. Árið 1810 gaf hann út bókina The Organon of the Healing Art sem er grunnurinn af nútíma hómópatíu.
Upphafið er rakið til þess að Hahnemann tók in cinchona sem er unnið úr berki Kínatrésins við meltingarvandamáli og tók eftir því að það framkallaði einkenni sem voru eins og einkenni malaríu. Þá var þekkt að cinchona gæti læknað malaríu. Þetta varð forsendan fyrir kenningum Hahnemanns “það sem getur myndað ákveðin einkenni í heilbrigðum einstaklingi getur læknað sjúkan einstakling sem þjáist af sömu einkennum”. Þetta varð síðar að lögmálinu “líkt læknar líkt”.
Hómópatía hefur vaxið og dafnað og nú yfir 200 árum seinna er hún notuð um allan heim af óhefðbundnum meðferðaraðilum sem og læknum.
Homeopathy kemur frá grísku frá orðunum homois sem þýðir “líkt” og pathos sem þýðir “þjáning”
Hómópatía byggir á hugmyndafræði sem er að flestu leyti í andstöðu við nútímalækningar. Í fyrsta lagi eru sjúkdómseinkenni samkvæmt hómópatíu talin orsakast ef kerfi líkamans sem viðhalda jafnvægi og heilsu eru í ójafnvægi. Hómópatía styður heilunarkerfi líkamans aftur til jafnvægis með því að gefa örlitla skammta af efnum sem myndi í heilbrigðu fólki mynda einkenni sem væru þau sömu og verið er að vinna bug á. Í öðru lagi er kúnninn meðhöndlaður í klassískri hómópatíu sem ein heild þar sem andlegir, líkamlegir og genatískir þættir sem og persónuleiki viðkomandi eru teknir inn í myndina við greiningu og meðhöndlun viðkomandi. Í þriðja lagi er atriði lögmálið um lágmarks skammta sem er mikilvægt innan hómópatíu. Því veikari sem blandan er því öflugri er remedían. Þetta atriði er gagnrýnt af nútímalækningum sem trúa á efnavirkni lyfja. Nýlegar uppgötvanir í eðlis- og efnafræði eru farnar að varpa ljósi á hvernig hómópatalyf virka.
Gagnrýnendur hómópatíu segja að virkni hennar sé einungis vegna lyfleysuáhrifa, þ.e. að meðferðin virkar einungis vegna þess að viðkomandi trúir að hún muni virka. Rannsóknir hafa sýnt fram á gagnsemi hómópatíu á dýrum og plöntum (sem augljóslega trúa ekki meðferðir), auk þess sem rannsóknir á mönnum hafa sýnt fram á árangur umfram lyfleysuáhrif. Í einni samantektarrannsókn þar sem greindar voru 89 rannsóknir sem notuðu lyfleysur til samanburðar sýndi fram á að hómópatísk meðferð væri 2,45 sinnum áhrifameiri en lyfleysa. Hómópatía er enn gagnrýnd fyrir að virkni hennar er einungis vegna lyfleysuáhrifa og rannsóknir stangast á varðandi það.
Í byrjun mun hómópatinn taka ýtarlega sjúkrasögu þar sem spurt er út í fyrirliggjandi vandamál og áhrif þess á andlega, líkamlega og tilfinningalega líðan, einnig er jafnvel spurt út í hvernig ytri aðstæður eins og raki, hiti og kuldi hafa áhrif á einkenni. Að viðtalinu loknu velur hómópatinn remedíur sem hæfa vandamálinu. Remedíurnar gætu verið gefnar sem töflur, krem, vökvi eða í úðaformi.
Í tilviki einfaldra meðhöndlana mun þessi eina heimsókn duga til að finna lausn á vandamálinu á meðan í flóknari vandamálum er þörf á fleiri heimsóknum til að gefa nýjar remedíur í samræmi við breytingar á einkennum vandamáls.
Eins og með allar meðferðir er árangur mismunandi og engin trygging er fyrir árangri.
Hómópatía er viðeigandi fyrir fjöldann öllum af líkamlegum og andlegum vandamálum, eins og hormónatruflunum, meltingarvandamálum, stress og þunglyndi, svefnvandamálum, tíðarvandamálum, húðvandamálum og svo mætti lengi telja.
Hómópatía er einnig hentug sem sjálfshjálpartæki við ýmsum vægum bráðavandamálum sem þarfnast ekki læknishjálpar. Sem dæmi er Arnica hjálpleg við áföllum, meiðslum og áverkum, Ignatia amara fyrir sorg og missir nákomins, Arsenicum fyrir magakveisu og Nux Vomica fyrir þá sem eru komin á ystu nöf vegna vinnuálags og finna fyrir verulegum pirring sökum þess.
Hægt er að læra hómópatíu á Íslandi í gegnum Íslandsdeild The College of Practical Homoeopathy og eru flestir hómópatar á Íslandi lærðir frá þeim skóla. Einnig hafa nokkrir hómópatar tekið nám sín erlendis. Hómópatanám er að minnsta kosti 3 ára nám.
Vertu viss um að meðferðaraðilinn sem þú leitar til sé fulllærður hómópati því algengt er að meðferðaraðilar noti hómópatíu án þess að hafa viðeigandi menntun á því sviði.
Organon er fagfélag hómópata á Íslandi.
Fólk skal varast meðhöndlara sem lofa árangri eða gefa upp ákveðin árangur t.d. eftir svo og svo margar meðhöndlanir þá mun þetta X ástand vera svona breytt.
Hómópatía er mjög öruggt meðferðarform þar sem remedíur hafa ekki alvarlegar aukaverkanir í för með sér.
Ekki skal halda áfram að taka remedíur eftir þau einkenni sem þeim var ætlað að lækna eru farin eða meðferðin hefur ekki skilað árangri innan viku.
www.wikipedia.com – Samuel Hahnemann
www.wikipedia.com – homeopathy